Problemi i ndotjes së ajrit në Prishtinë po vazhdon të jetë i njëjtë nga viti në vit.

Matjet e fundit të bëra nga Ambasada Amerikane në Prishtinë, thuhet se ndotja e ajrit ka arritur në shkallën 153 të ndotjes, shkruan portali arbresh.info

Në bazë të indeksit të cilësisë së ajrit nga këto matje, e cila është regjistruar sot në orën 06:00, ajri në këtë shkallë paraqet ajër të pashëndetshëm.

Kujtojmë se monitoruesi i cilësisë së ajrit që ndodhet në Ambasadë mat grimcat në ajër në Prishtinë çdo orë, duke përfshirë pluhurin, baltën, blozën, tymin dhe pikat e lëngshme. Grimca të tilla mund të jetë rezultat i lëshimit të gazrave nga automjetet dhe termocentralet, nga djegia e qymyrit apo e drurit, apo ndodhi të drejtpërdrejta si zjarret në maje dhe mund të mbetet pezull në ajër për periudha të gjata kohore. Grimcat e kësaj madhësie, rreth 1/30 të diametrit të mesatares së fijes së flokut të njeriut, përbëjnë rrezikun më të madh për shëndetin.

Studimet shkencore kanë lidhur ndotjen afatgjatë prej grimcave, veçanërisht nga grimcat e imta, me probleme të mëdha të shëndetit, si sëmundje të zemrës dhe të mushkërive. /arbresh.info/